சிவனுக்குகந்த மகாசிவராத்திரி

சிவனுக்குகந்த மகாசிவராத்திரி

இந்து மதம் பல தெய்வ வழிபாட்டை ஏற்பதால் விரதங்களையும் பலவாகப் பிரித்துள்ளது. இந்த வகையில் இந்து மதம் கூறும் விரதங்களை தெய்வங்களின் அடிப்படையில் வகுப்போமாயின் சிவ விரதம், சக்தி விரதம், விநாயக விரதம், சுப்பிரமணிய விரதம், விஷ்ணு விரதம், வைரவ விரதம், வீரபத்திர விரதம் என வகைப்படுத்தலாம். இவ்விரதங்களை நாள் விரதம், வார விரதம், மாத விரதம், வருட விரதம் என பிரிக்கலாம். இந்நான்கு கால விரதங்களும் பெளர்ணமி விரதம், சஷ்டி விரதம், நட்சேத்திர விரதம், சதுர்த்தி விரதம் என பிரிக்கப்பட்டுள்ளன.

சிவ விரதத்தினை நோக்கும் போது முக்கிய விரதங்களாக மகா சிவராத்திரி, சோமவாரம், திருவாதிரை, பிரதோஷம் போன்றவற்றைக் குறிப்பிடலாம். மகா சிவராத்திரி விரதம் சிவனது அருவத்திருமேனியான சிவலிங்கத்தினை வழிபடும் ஓர் விரதமாகும். இவ்விரதம் மாசி மாத தேய்பிறையில் வரும் சதுர்த்தியில் அனுட்டிக்கப்படுகின்றது. சிவ விரதங்களில் மிகவும் முக்கியத்துவம் உடைய ஓர் விரதமாக இது விளங்குகின்றது. இதனால் சிவனுக்கு உகந்தது சிவராத்திரி என பேசப்படுகின்றது.

சக்திக்கு ஒன்பது ராத்திரி. அது நவராத்திரி. சிவனுக்கு ஒரு ராத்திரி. அது சிவராத்திரி. சிவராத்திரி என்ற சொல் சிவனுடைய ராத்திரி, சிவமான ராத்திரி, சிவனை அர்ச்சிக்கும் ராத்திரி, சிவனுக்கு இன்பமான ராத்திரி என்று பலவகைப் பொருளைத்தரும். சிவமான ராத்திரி என்பதே இவைகளில் மிகப் பொருத்தமானதாகும்.

சிவபிரான் திருவருளைப் பெற்றுக் கொள்ளும் நோக்கத்துடன் சைவமக்கள் அனுட்டிக்கும் விரதங்களில் மிகவும் முக்கியமானது சிவராத்திரியாகும். சிவராத்திரி என்ற தொகைச் சொல் சிவனை விசேடமாக வழிபடுவதற்குரிய இரவு என பொருள்படும். சிவராத்திரி விரதம் மகா சிவராத்திரி, யோக சிவராத்திரி, மாத சிவராத்திரி என மூவகைப்படும். மாசி மாத தேய்பிறைச் சதுர்த்தசியில் நோற்கப்படுவது மகா சிவராத்திரி எனப்படும். அமாவாசையும் சோமவாரமும் கூடிய தினத்தில் அனுஷ்டிக்கப்படுவது யோக சிவராத்திரி ஆகும். ஆண்டின் மாதந்தோறும் தேய்ப்பிறைச் சதுர்த்தசியில் அனுட்டிக்கப்படுவது மாத சிவராத்திரி எனப்படும். இம் மூவகைச் சிவராத்திரிகளில் இக்காலத்தில் மகா சிவராத்திரியே பெரிதும் பின்பற்றப்படுகின்றது.

மாசி மாதம் கிருஷ்ண சதுர்த்தசியில் நள்ளிரவில் சிவ பெருமான் லிங்கத்தில் தோன்றினார். அன்றே மகா சிவராத்திரி ஆதலால் இப்பொழுதும் அந்த இரவில் உலகிலுள்ள எல்லா இலிங்கங்களிலும் சிவன் தோன்றுகிறார். அன்று சிவபூஜை எல்லோருக்கும் விருப்பத்தைக் கொடுக்கக் கூடியது. அன்று காலை குளித்துக் காலைக் கடன்களை முடித்துக் கொண்டு சிவாலயம் சென்று பஞ்சாட்சரம் அல்லது சிவ நாமத்தை ஜெபிக்க வேண்டும். மகா சிவராத்திரி தினத்தின் முன்தினமான திரயோதசியில் ஒருவேளை பகல் உணவருந்தி மறுநாள் முழுவதும் உபவாசமிருந்து சிவராத்திரியின் மறுதினம் பாரணையில் உணவுண்ணல் விரத விதியாகும். மேலும் சிவராத்திரி தினத்தில் இரவு முழுவதும் நித்திரை கொள்ளாது விழித்திருந்து சிவாலயத்தில் நடைபெறும் நான்கு ஜாமப் பூஜை வழிபாடுகளின் போது இலிங்க தரிசனம் செய்தல் மற்றொரு முக்கிய விதியாகும்.

சிவபூஜை விதி தவறாமல் நான்கு ஜாமத்தும் ஜாமத்திற்கு ஒரு முறையாகப் பூஜை செய்ய வேண்டும்.

முதலாம் ஜாமம் : பால், தயிர், நெய், கோசலம், கோமேயம் என்னும் இவ்வைந்தும் கலந்த பஞ்ச கவ்வியத்தில் அபிஷேகம் செய்து வில்வம் சாத்தி தாமரை மலரால் அர்ச்சிக்க வேண்டும்..அச்சமயம் பயற்றம் பருப்பு, சேர்ந்த பொங்கல் நிவேதித்து தூப தீப ஆராதனைகள் செய்து இருக்கு வேதம் ஓதி இரு கை கூப்பி அர்க்கியம் கொடுத்து அஷ்டாங்கமாக வணங்கி வழிபடல் வேண்டும்.

இரண்டாம் ஜாமம் : பஞ்சாமிருதத்தால் அபிஷேகம் செய்து சந்தனத்துடன் தாமரை மலரும் சாத்தி துளசியால் அர்ச்சித்து பாயாசம் நிவேதித்து யசுர் வேதம் ஓதி வணங்க வேண்டும்.

மூன்றாம் ஜாமம் : தேனால் அபிஷேகம் செய்து அரைத்த பச்சைக் கற்பூரத்துடன் சாதிமுல்லை மலர் சாத்தி, முக்கிளையுடன் கூடிய வில்வ தளத்தால் அர்ச்சித்து எள், அன்னம் நிவேதித்தும் சாம வேதம் ஓதி வழிபடல் வேண்டும்.

நான்காம் ஜாமம் : கருப்பஞ் சாற்றினால் அபிஷேகித்து அரைத்த குங்குமப் பூவுடன் நந்தியாவட்டை மலரும் சாத்தி நீலோற்பல மலரால் அர்ச்சித்து சுத்த அன்னம் நிவேதித்து அதர்வ வேதம் ஓதி வழிபடல் வேண்டும்.

இவ்வாறு நான்கு ஜாமத்தும் நித்திரை நீங்கிப் பூஜித்து மறுநாள் அதிகாலையில் புனித நீராடி அனுஷ்டானம் செய்து தமது தீட்சா குருவைத் தியானித்து தக்கவாறு தானம் தந்து சூரியன் உதித்து ஆறு நாளிகைக்குள் பாரணை செய்ய வேண்டும். இவ்வறு 24 வருடம் விரதம் நோற்றுப் பின் கோதானம், பூதானம், சுவாணதானம் முதலியன தந்து விரதத்தைப் பூர்த்தி செய்வோர் சிவகதி அடைவர்.

அறிந்தோ அறியாமலோ கூட ஒருவன் சிவராத்திரி அன்று விழித்திருந்தால் புண்ணியம் கிட்டிவிடும். சிவராத்திரியன்று விழித்திருக்க வேண்டியது தானே முக்கியம் என நினைத்து சிலர் சினிமா கொட்டகைகளுக்கும், நாடகக் கொட்டகைகளுக்கும் சென்று பொழுதைக் கழிக்க விரும்புகின்றார்கள். சிவராத்திரியின் போது தூங்காமல் இருந்தால் புண்ணியம் கிடைக்கும் என்பது உண்மைதான். ஆனால் சிவராத்திரியின் நோக்கம் அதுவல்ல. சிவராத்திரி நாள் இரவில் நான்கு ஜாமத்திலும் சிவலிங்க வழிபாடுகளைத் தரிசித்தும், வழிபாடு செய்தும் சிவபெருமானைச் சிந்தித்திருந்து நற்பேறு பெற வேண்டும் என்பதே உண்மையாகும். சிவராத்திரியன்று சிவன் கோயில்களிலோ மற்றைய கோவில்களிலோ நான்கு ஜாமமும் நடைபெறும் பூஜை வழிபாடுகளில் கலந்துகொண்டும் தானதருமங்கள் செய்தும் சிவபெருமானின் புகழ் பாடியும் சிவபுண்ணியம் அடையலாம்.

மஹா சிவராத்திரி விரதமுறை 07.03.2016 திங்கள் கிழமை மஹா சிவராத்திரி

மஹா சிவராத்திரி விரதமுறை
07.03.2016 திங்கள் கிழமை மஹா சிவராத்திரி




இந்து மதம் கூறும் மேன்மை மிக்க விரதங்களில் மஹா சிவராத்திரி விரதமும் ஒன்றாகும். பரம்பொருளாகிய சிவனை முன்னிலைப் படுத்தி நோற்கப்படும் இவ்விரதமானது மாசி மாத கிருஷ்ணபட்ச சதுர்த்தசியில் வருவதாலேயே இதனை மஹா சிவராத்திரி என்று அழைப்பர். சிவராத்திரி விரதம் பற்றி பண்டைய புராணங்கள் நமக்குப் பல கதைகளைக் கூறினாலும்... பார்வதி தேவி பரமேஸ்வரனை நோக்கிக் கடுந்தவம் இயற்றி வரம் பெற்ற கதையே சிறப்பாகக் கொள்ளப் படுகிறது. ஊழிக்காலம் உலகனைத்தையும் சிவ னுக்குள் ஒடுக்கியது. உலக இயக்கம் நின்று போனது. கோள்கள் இயங்கவில்லை, பொழுது புலரவில்லை. தேவர்கள் முதற் கொண்டு எல்லா ஜீவராசிகளுமே தனக் குள் அடங்கிவிட்டதை எண்ணி நீலகண்டன் நீண்ட தவமியற்றத் தொடங்கிவிட்டான். அன்பே வடிவான அன்னை பராசக்தி அருள் நிறைந்தவளல்லவா. மறுபடியும் உலகம் இயங்க வேண்டும், உயிர்கள் மலர வேண்டும், கோள்கள் நிதம் தவறாது இயல் பாய்ச் சூழல வேண்டும் என்றெண்ணினார். இவற்றுக் கெல்லாம் அருள் பாலிக்க வேண்டிய சிவனோ கண்களை மூடிக் கொண்டு யோகத் தவநிலை கொண்டு விட்டான். அவன் கண் திறப்பது எப்போது? தனக்கு வரம் கிடைப்பது எப்போது? கலங்கிப் போன அன்னைக்கு ஒரேயொரு வழிதான் தென்பட்டது.
சிவன் பாதம் பணிந்து அவன் முன்னே அமர்ந்து அவளும் கடுந்தவம் இயற்றத் தொடங்கினாள். காலநேரம் எதுவும் கணக்கிட முடியாத நிலை..... அன்னையின் விரத காலம் நீண்டு கொண்டே போனது.




ஞானக் கண்ணால் அதையுணர்ந்த மகா தேவன் மனமிரங்கினார். தேவி என்ன வரம் வேண்டும் என்றபடியே அவர் கண்களைத் திறந்ததும் கோள்கள் எல்லாம் இயங்கத் தொடங்கின. உலகம் ஒளிமய மாகியது. அன்னையின் மனமோ ஆனந்தக் களிப்பெய்தியது. உலகமெல்லாம் பழையபடி உயிர்ப்புற வேண்டும் சுவாமி நியதிப்படி கோள் களெல்லாம் இயங்க வேண்டும். அத்தோடு நான் வணங்கி வரம் பெற்ற இத்திருநாளை என்னைப் போல் வணங்கி விரதம் இருந்து, விழித்திருந்து பூஜிப்போரை நீங்கள் ஆசீர்வதித்து அவர்கள் அனைவரும் ஐஸ்வரிய பாக்கியங்களைப் பெற்று வாழ அனுகிரகிக்க வேண்டும் ஐயனே என்று கேட்டுக்கொண்டாளாம். கருணைக் கடலான சிவனும் தன் தேவியின் வேண்டுதலை ஒரு சிறு மாற்றத்துடன் ஏற்று வரமளித்தருள் பாலித்து விட்டாராம். தேவி... கால நேர வரையறையில்லாது கடுந்தவமியற்றிய உன்போல். விரதமிருக்க இந்த உலகத்தில் மானிடர்களால் ஒருபோதும் முடியாது. 

எனவே மாசிமாத கிருஷ்ண பட்சத் சதுர்த்தஸியில் வரும் மஹா சிவராத்திரி தினத்தன்று இப்புனித விரதத்தை நான்கு ஜாமம் விழித்திருந்து பூஜனை செய்வோ ருக்கு பூரண பலன் கிடைக்க அருள் பாலிப்பேன் என்று வரங் கொடுத்தாராம். இதிலிருந்து சிவராத்திரி விரதத்தை முதன் முதலில் கடைப் பிடித்தருளியவர் அன்னை பராசக்திதான் என்ற உண்மையை நாம் உணரலாமன்றோ. மாயவன் அடிமுடி காணாது நின்ற போது அருட் பெருஞ் ஜோதியாக சிவன் எழுந்தருளிய தினமும் மஹா சிவராத்திரி தினம் தான் என்று புராணங்களுரைக்கின்றன.
காட்டிலே வேட்டையாடச் சென்ற வேட னொருவன் வழித்தடம் மாறி இருளுக்கும், விலங்கினங்களுக்கும் அஞ்சிக்கொண்டு ஒரு வில்வ மரத்தில் ஏறி அமர்ந்து கொண்டானாம்... தூக்கமோ கண்ணைச் சுழற்றுகிறது. தூங்கிவிட்டால் மரத்தினின்று விழுந்துவிட நேரும் ஆதலால் தூங்காமல் இருக்க வேண்டி மரத்தில் இருந்த இலைகளை ஒவ்வொன்றாகப் பிய்த்தெடுத்து நிலத்தில் போட்டு வந்தானாம். அவன் போட்ட இலைகள் சாதாரண இலைகளல்ல. அவை சிவனார்க்குகந்த வில்வந் தழைகளாம். அந்தப் புனித பத்திரங்கள் யாவும் வீழ்ந்த இடமே மரத்தின் கீழ் உருவாகியிருந்த சிவலிங்கத்தின் மீதாம். பூஜை புனஸ்காரங் கள் பண்டிகைகள், விரதங்கள் என்று எதையுமே அறியாத வேடனொருவன் தன்னையே அறியாமல் செய்த வில்வார்ச் சனையால் ஈற்றில் பேரின்பப் பெறுவாழ் வெய்தினானாமெனில் சிவராத்திரி தினத்தின் மகிமையை அறிய இதைவிடவேறு சான்று களும் நமக்கு வேண்டுமோ. ஒரு சிவராத்திரி தினத்திலே இந்த வில்வர்ச்சனை நிகழ்ந்தமையே வேடனுக்கு அப்போது அமைந்ததாகச் சிவபுராணம் கூறுகிறது.




சிவராத்திரி விரத முறை :

சிவராத்திரிக்கு கண் விழிப்பது ஏன்?
சிவராத்திரி அன்று கண் விழித்திருந்து விரதமிருந்து இறைவனை வணங்கும்போது முழுமையான இறைவன் அருள் கிடைக்கும். தியானம் நிலைக்கும். நினைத்த காரியம் நடக்கும்.
விரதம் கடைப்பிடிப்போர் (விரதம் பிடிப்போர்) முதல்நாள் ஒரு பொழுது உணவருந்தி சிவராத்திரியன்று உபவாசமாய் காலையில் குளித்து சிவ சிந்தனையுடன் கண்விழித்திருந்து நான்கு யாம வழிபாடு செய்யவேண்டும். அடுத்தநாள் காலையில் தீர்த்தமாடி, சுவாமி தரிசனம் செய்து அடியார்களுடன் உணவருந்தி (பாரணை செய்து) விரத்தை நிறைவு செய்தல் வேண்டும். சிவராத்திரிக்கு மறுநாள் சிவபுராணம் படித்தோ அல்லது கேட்டோ, பகல் பொழுதைக் கழிக்க வேண்டும்.

அதன் பின் உபதேச‌ம் தந்த குருவைப் பூஜை செய்து விட்டு, உடைகள் மற்றும் உணவினை அந்தணர்க்கு தானமாக அளித்து விரதத்தை நிறைவு செய்யும் விதமாக உணவு உண்ண வேண்டும். சிவராத்திரி நாளில் முழுவதும் உபவாசம் இருக்க முடியாதோர், ஒவ்வொரு ஜாமப் பூஜை முடித்த பிறகும் தண்ணீர், பால், பழங்களை உண்ணலாம்.

சிவ ராத்திரி விரதம் இருப்பதால் தெரியாமல் செய்த பாவங்களுடன், தெரிந்தே பாவங்கள் செய்திருந்தாலும் அவை நம்மை விட்டு நீங்கிப் போகும்.

இவர்தான் சிவராத்திரி விரதம் இருக்கலாம். இவர் இருக்கக் கூடாது என்ற விதியெல்லாம் கிடையாது. யார் வேண்டுமானாலும் சிவராத்திரி விரதத்தை மேற்கொள்ளலாம்.

சிவராத்திரியன்று அதிகாலை எழுந்திருந்து காலைக் கடன்களை முடித்து சிறப்பாக வேதம் நான்கினும் மெய்ப் பொருளாவதும், நாவினுக்கருங்கலம் ஆனதும், பண்ணிய உலகினில் பயின்ற பாவத்தை நண்ணி நின்றருப்பதுமான இறைவனின் பஞ்சாட்சர மந்திரத்தை கூறி பூஜை செய்ய வேண்டும். எதுவும் உண்ணுதல் கூடாது. ஆலயம் சென்று லிங்க மூர்த்தியையும் அம்பாளையும் தரிசித்து வரலாம். நாள் முழுவதும் இறைவனின் நாமத்தை ஜபித்துக் கொண்டிருக்க வேண்டும். பிறகு மாலை 6 மணிக்கு மேல் தொடங்கும் இரவில் அபிஷேகப் பிரியரான லிங்க மூர்த்திக்கு நான்கு ஜாமங்களிலும் அபிஷேகம் செய்து,
த்ரிகுணம் த்குணாகாரம் த்ரி நேத்ரஞ்ச
த்ரயாயுஷ த்ரிஜன்ம பாப சம்ஹாரம்
ஏகபில்வம் சிவார்ப்பணம்


என்றபடி ஒரு வில்வத்தை அர்ப்பணம் செய்தாலே மூன்று ஜென்ம பாவங்களை அழிக்க வல்லது. மூன்று தளங்களைக் கொண்ட வில்வத்தைக் கொண்டு முக்கண்ணனான ஸ்ரீ பரமேஸ்வரனுக்கு அர்ச்சனை செய்தல் வேண்டும். பாச பந்தத்தில் கட்டுண்டு உழலும் பசுக்களாகிய நம்மை உய்விக்க எம்பெருமான் அரூப ரூபமாகிய லிங்க ரூபத்தில் தோன்றி அருள் பாலித்ததால் சிவராத்திரி இரவில் லிங்க மூர்த்திக்கு செய்யும் அபிஷேகமும் வில்வ தள அர்ச்சனையும் மிகவும் சிறப்பு வாய்ந்தது. சிவபிரான்,சிவராத்திரியன்று இரவு பதினான்கு நாழிகைக்குமேல் ஒரு நாழிகை இலிங்கத்தில் தோன்றுவதால், அன்று இரவு முழுவதும் கண்விழித்து இறைநாட்டத்துடன் இருந்து விரதம் முடித்தால் பலன் கிட்டும். மகாசிவராத்திரியன்று இலிங்கத்தை ஒரு வில்வ இலையால் பூசித்தால், கோடிக்கணக்கான மலர்களால் பூசித்ததற்குச் சமம். இங்ஙனம் விரதமிருந்துவர சிவனருள் கிட்டி, எல்லா நலனும் பெற்று இனிதே முத்தி கிட்டும். தென்னகத்திலே திருக்கோவில்களிலே பிரதிஷ்டை செய்யப்பட்டுள்ள லிங்க மூர்த்திகளுக்கு நாமே சென்று அபிஷேகம் செய்ய அனுமதி இல்லை. ஆனால் வட நாட்டிலே எல்லா திருக்கோவில்களிலும் சிவராத்திரியன்று நாமே சென்று நம் கையால் நீராலோ, பாலாலோ லிங்க மூர்த்திக்கு அபிஷேகம் செய்ய முடியும்.

இலங்கயிலும் திருக்கேதீஸ்வரத்தில் பிரதிஷ்டை செய்யப்பட்டுள்ள லிங்க மூர்த்திக்கு நாமே சென்று அபிஷேகம் செய்ய ஒழுங்குகள் செய்யப்பெற்றுள்ளன. கனடாவிலும் ஸ்ரீ ஐயப்பன் ஆலயத்தில் லிங்கேஸ்வரருக்கு நாமே அபிஷேகம் செயும் வசதிகள் செய்யப்பெற்றுள்ளன. மனம் போனபடி போகும் புலன்களைக் கட்டுப்படுத்துவதே விரதமிருப்பதன் அடிப்படை நோக்கமாகும். உணவை தவிர்க்கும் போது உணர்வுகளைக் கட்டுப்படுத்துவது என்பது எளிது என்று கருதப்படுகிறது. தினமும் நாம் அனுபவிக்கும் நித்திரை தாமத குணத்தின் வெளிப்பாடு என்றும், விழித்திருப்பதன் மூலம் அந்தக் குணம் கட்டுப்பாட்டுக்குள் வருகிறது என்றும் சொல்லப்படுகிறது. இவ்வாறு உணவையும் உறக்கத்தையும் கட்டுப்படுத்துவதன் மூலம் நாம் சாதாதரண விழிப்பு நிலையையும், விழிப்பற்ற உறக்க நிலையையும் கடந்து மிக உயர்ந்த உணர்வு விழிப்பு நிலைக்குச் செல்கிறோம்.

சாதாரண விழிப்பு, உறக்க நிலைகள் இறைவனை உணர்வதற்குத் தடையாக இருப்பனவாகக் கருதப்படுகின்றன. தினமும் விழிப்பு நிலைக்கும் தூக்க நிலைக்கும் போய் வரும் நாம், உயர் விழிப்பு நிலை பற்றி உணர்வதேயில்லை. சிவராத்திரியில் விரதமிருந்து உறக்கத்தைத் தவிர்க்கும் போது எமது புலன்கள் கட்டுப்படுகிறது. அந்த நிலையில் நின்று இறைவனைப் போற்றி வழிபடும் போது எமது உணர்வுகள் வெண்ணை போல உருகி, நாம் உயர்ந்த விழிப்பு நிலைக்குச் செல்ல வழிவகுக்கிறது.



சிவராத்திரி விரதம் இருப்பவர்கள் மிக முக்கியமாக படிக்க வேண்டியது ஞானசம்பந்தரின் கோளறு பதிகமாகும். இது மனதிற்கு தைரியத்தை தரும். எந்த கிரகங்களின் தாக்கம் இருந்தாலும் அதை நீக்கிவிடும். இதைத்தவிர சிவபுராணம், லிங்காஷ்டகம், பஞ்சாட்சர ஸ்தோத்திரம், நடராஜ பத்து, தேவாரம், திருவாசகம், லிங்கபுராணம், திருவிளையாடற் புராணம், பெரியபுராணம் ஆகியவற்றை படித்தாலும், கேட்டாலும் அதிக பலன் கிடைக்கும். "ஓம் நவசிவாய" என்ற மந்திர உச்சரிக்கவேண்டும். மகா சிவராத்திரி இரவு கோயிலில் அனைவரும் ஒன்றுகூடி "சிவாய நம" என்ற நாமத்தை உச்சரிக்க வேண்டும்.
"நாமும் இந்த விரத்தை கடைபிடிப்போம் வாழ்வில் வாளமாய் வாழ்வோம் "

தென்னாட்டுடைய சிவனே போற்றி!
என்நாட்டவர்க்கும் இறைவா போற்றி!

குழந்தை பெற்ற தாய்க்கு சளி பிடிக்காமல் இருக்க avoid cold for newborn babies

குழந்தை பெற்ற தாய்க்கு சளி பிடிக்காமல் இருக்க avoid cold for newborn babies


அன்புடன் உலக மக்கள் அனைவரும் ஆனந்தமாய் வாழ வேண்டும்
குழந்தை பெற்ற தாய்க்கு சளி பிடிக்காமல் இருக்க
avoid cold for newborn babies


தாய் சேய் நலம் காக்க :

குழந்தை பெற்ற தாய்க்கு சளி பிடிக்காமல் இருக்க எளிய வழி முறை .தாய்க்கும் குழந்தைக்கும் நலன் பயக்கும்


சுக்கோ டதிமதுரம் திப்பிலி ஏலத்தூள்
தக்கதிதிப் பைம்புனல்பன் நோய்க்கு .........................குறள்



சுக்கு ,அதிமதுரம் ,திப்பிலி ,ஏலம் இவற்றின் தூளை சம அளவு எடுத்து
கொதிநீரில் இட்டு (இது யைம்புனல் நீர் மருந்தாகும்).

10 கிராம் அளவு -மேற்கண்ட பொடியை நான்கும் சேர்த்தது எடுத்து கொதிநீரில் இட்டு குழந்தைக்குத் தாய் நாளைக்கு 3-5 முறை குடிக்க
குழந்தையின் சளி நீங்கும் '

சளி பிடிக்காமல் இருக்க தாய் இதை அவ்வப்போது அருந்தினால்
சளி குழந்தைக்கு பிடிக்காது .

தேர்வில் வெற்றியும் ,அதிக மதிப்பெண்கள் பெறவும் ஸ்ரீ சரஸ்வதி மந்திரம்

தேர்வில் வெற்றியும் ,அதிக மதிப்பெண்கள் பெறவும் ஸ்ரீ சரஸ்வதி மந்திரம்



இம்மந்திரத்தை அதிகாலையிலும் படிக்கும் முன்னும் ஜெபித்து வர கல்வியில் நல்ல முன்னேற்றமும் அதிகமான மதிப்பெண்களும் கிட்டும்.வெள்ளைத்துணி விரித்துக் கிழக்கு நோக்கி அமர்ந்து ஜெபிக்கவும்.

எப்பொழுதும் குழந்தைகள் படிக்கும் பொழுது கிழக்கு அல்லது வடகிழக்குத் திசை நோக்கி அமர்ந்து படிப்பது நல்லது.இது படிப்பில் விருப்பம் உண்டாகச் செய்யும் மேலும் ஞாபகசக்தியை அதிகரிக்கும்.

ஸ்ரீ வாக்வாதினி மந்திரம்

ஓம் நமோ பகவதி சரஸ்வதி வாக்வாதினி |
பிரம்மரூபிணி புத்திபத்தினி |
மம வித்யாம் தேஹி தேஹி ஸ்வாஹா ||


வாழ்க வையகம்|| வாழ்கவளமுடன் ||

ஹயக்ரீவர் ஒரு கல்வி தெய்வம்- மாணவர்களுக்காக

ஹயக்ரீவர் ஒரு கல்வி தெய்வம்- மாணவர்களுக்காக




கல்வி தெய்வமான ஹயக்ரீவர் , சென்னைக்கு அருகே, செங்கல்பட்டு அருகிலுள்ள செட்டிபுண்ணியம் தேவனாத பெருமாள் கோயிலில் , யோக நிலையில் காட்சி தருகிறார். இவரை மாணவர்கள் தரிசித்தால், நினைவாற்றல் பெருகி, நல்ல மதிப்பெண் பெற வாய்ப்பு கிடைக்கும்.
400 ஆண்டுகள் பழமை வாய்ந்த இந்த கோவிலுக்கு, 1848, கடலூர் அருகிலுள்ள திருவஹீந்திரபுரத்திலிருந்து ஹயக்ரீவர் சிலையை எடுத்து வந்தனர். அந்த சிலையை வைகாசி மக நட்சத்திரத்தில், செட்டிப் புண்ணியத்தில் பிரதிஷ்டை செய்தனர். பின்னர் தாயார் ஹேமாம்புஜவல்லி ஸ்ரீதேவி, பூதேவி மற்றும் ஆண்டாள் சந்நிதிகள் அமைக்கப்பட்டன. மூலவர் வரதராஜர், உற்சவர் தேவனாத ஸ்வாமி என்று அழைக்கப்படுகின்றர்.
இங்கு வித்யா-தோஷ நிவர்த்தி சங்கல்ப ஆராதனை என்னும் கல்வி பூஜை நடத்தப்படுகின்றது. தேர்வு சமயத்தில் மாணவர்கள் பேனா, பென்சில்,ஹால்டிக்கெட் ஆகியவற்றை பெருமாளின் பாதத்தில் சமர்ப்பித்து வழிபட , ஞாபகசக்தி அதிகரிக்கும். 10.12-ம் வகுப்பு மாணவர்கள் , மற்றும் கல்லூரி மாணவர்கள் இந்த வழிபாட்டை அதிகமாக செய்கின்றனர். மாணவர்கள் சார்பில், அவர்களது பெற்றோர்களும் வந்து பிள்ளைகள் பெயரில் அர்ச்சனை செய்யலாம். நேரில் வரமுடியாத பக்தர்களுக்காக , பூஜையில் வைக்கப்பட்ட ஹயக்ரீவர் படம் மற்றும் பேனா தபாலில் அனுப்பபடுகிறது. திக்குவாய் உள்ளவர்கள் , பேச முடியாதவர்களுக்கு நாக்கில் தேன் தடவப்படுகின்றது. இதன்மூலம் பேசும் திறன் உண்டாகும். அர்ச்சகரை முன்கூட்டியே தொடர்பு கொண்டு செல்வது நல்லது.

இருப்பிடம்: சென்னை-செங்கல்பட்டு ரோட்டில் சிங்கப் பெருமாள் கோயிலில் இருந்து 3 கிமீ.
திறக்கும் நேரம்: காலை 7.30-12.00; மாலை 4.30-இரவு 8.00
போன்: 8675127999

ஸ்ரீஉத்தண்ட வேலாயுத சுவாமி & ஸ்ரீ கொங்கணச்சித்தர்க்கு உத்திராட நட்சத்திர அபிஷகம்,ஆராதனை அன்னதானம்

ஸ்ரீஉத்தண்ட வேலாயுத சுவாமி &
ஸ்ரீ கொங்கணச்சித்தர்க்கு உத்திராட நட்சத்திர அபிஷகம்,ஆராதனை அன்னதானம்






அன்புடன் உலக மக்கள் அனைவரும் ஆனந்தமாய் வாழ வேண்டி
பொன் ஊதிமாமலை,ஊதியூர்
(காங்கயம் -தாராபுரம் செல்லும் வழி) ஸ்ரீஉத்தண்ட வேலாயுத சுவாமி .கோவிலில் அமைந்து உள்ள ஸ்ரீஉச்சி பிள்ளையார் ,ஸ்ரீஉத்தண்ட வேலாயுதசுவாமி, ஸ்ரீ கொங்கணச்சித்தர்க்கு,ஸ்ரீ செட்டிதம்புரான் சித்தர்க்கு,மற்றும் ஸ்ரீமலை கன்னிமார்க்கு 

05-03-2016 சனி கிழமை மாசி 22 மாத
 உத்திராட நட்சத்திர தினத்தன்றுகாலை 9.30 மணிக்கு மேல் அன்னதானம் நடைபெறுவதால்
அனைவரும் கலந்து கொண்டுஸ்ரீஉத்தண்ட வேலாயுதசுவாமி,திருவருள் ஆசிர்வாதம் மற்றும் ஸ்ரீகொங்கணச்சித்தர் திருவருள் ,ஆசிர்வாதம் பெற்று செல்லுமாறு மானாமதுரை ஸ்ரீ மஹா பஞ்சமுக ப்ரத்யங்கிரா வேத தர்ம சேக்ஷத்ரா டிரஸ்ட்சுவாமிஜி - மாதாஜி அன்புடன் அழைகின்றார்கள்.

மேலும் தகவல்கள்களுக்கு
ஸ்ரீ மஹா பஞ்சமுக ப்ரத்யங்கிரா வேத தர்ம சேக்ஷத்ரா டிரஸ்ட்
பஞ்சபூதேஸ்வரம் ,வேதியரேந்தல் விளக்கு,
மானாமதுரை-630606
சிவகங்கை மாவட்டம்
திரு .அண்ணாமலை cell :9442559844, 98428 58236

பிரார்த்தனையை எவ்வாறு செய்ய வேண்டும்?

பிரார்த்தனையை எவ்வாறு செய்ய வேண்டும்?


பிரார்த்தனையை எவ்வாறு செய்ய வேண்டும்? யாருக்காகச் செய்ய வேண்டும்? அதற்கான 10 அம்சங்கள் வருமாறு:-

1. நாள்தோறும் சில நிமிடங்களைப் பிரார்த்தனைக்காக ஒதுக்கி வையுங்கள். அப்போது ஒன்றும் பேசாதீர்கள். கடவுளைப் பற்றி மட்டும் நினைத்துப் பழகுங்கள்.

2. பிறகு இயல்பாக சாதாரண வார்த்தைகளில் உங்கள் மனதில் உள்ளதைக் கடவுளிடம் சொல்லுங்கள்.

3. பஸ்சில் பயணம் செய்யும் பொழுதும், அலுவலகங்களில் வேலை செய்து கொண்டிருக்கும் பொழுதும், கடவுள் உங்கள் எதிரே உட்கார்ந்திருப்பதாகப் பாவனை செய்து கொண்டு, குட்டிப் பிரார்த்தனைகளை அடிக்கடி செய்யுங்கள்.

4. எப்போதும் அது வேண்டும், இது வேண்டும் என்று கேட்டுக் கொண்டேயிராதீர்கள். கடவுள் ஏற்கனவே கொடுத்ததற்கு நன்றி செலுத்துங்கள்.

5. உங்கள் பிரார்த்தனைகள் உங்களுக்குப் பிரியமானவர்களுக்குக் கடவுளின் அன்பையும், பாதுகாப்பையும்சம் பாதித்துக் தரும் என்று நம்புங்கள்.

6. பிரார்த்தனையின் போது கசப்புணர்ச்சியும், பகைமை உணர்ச்சியும் மனதில் தலைதூக்க இடம் கொடுக்காதீர்கள்.

7. கடவுளிடம் கேட்க வேண்டியதைத் கேளுங்கள். ஆனால், அவர் கொடுப்பதைப்பெற்றுக் கொள்ளத் தயராக இருங்கள். நீங்கள் கேட்டவைகளைவிட அவர் கொடுத்தும், கொடுப்பதும் சிறந்ததாகவே இருக்கும்.

8. ஆண்டவன் மீது பாரத்தைப் போட்டுவிட்டு இயன்றதைச் செய்யுங்கள். பலன் தருவதும், தராததும் அவர் விருப்பம்.

9. உங்களைப் பிடிக்காதவர்களும், உங்களைச் சரியாக நடத்தாதவர்களும், நலம் பல பெற்று வாழப் பிரார்த்தனை செய்யுங்கள். ஆன்மிக சக்தியின் முதல் விரோதி வெறுப்புணர்ச்சி, என்பதை உணருங்கள்.

10. யார் யாருடைய நன்மை வேண்டி பிரார்த்தனை செய்வது என்று எண்ணிக் கொள்ளுங்கள். எவ்வளவு அதிகமான பேருக்கு, குறிப்பாக சம்பந்தப்படாதவர்களுக்கும் பிரார்த்தனை செய்கிறார்களோ அவ்வளவுக்கவ்வளவு அதிகமாக உங்களுக்கு பலன் கிடைக்கும்.