பயனுள்ள பூஜையறை தகவல்கள் !

பயனுள்ள பூஜையறை தகவல்கள் !

கற்பூரத்துடன் மிளகு சேர்த்து வைத்தால் கற்பூரம் கரையாமல் இருக்கும்.
தேவதைகளை ஆகர்ஷணம் செய்யும் சக்தி மயிலிறகுக்கு உண்டு என்கின்றன ஞான நூல்கள். அதனால், பூஜையறையில் மயிலிறகை வைத்து வழிபடுவது சிறந்தது.
மழை நாட்களில், தீப்பெட்டி தீக்குச்சிகள் நமத்துப் போகும். நான்கு ஐந்து அரிசி மணிகளை உள்ளே போட்டுவைத்தால் தீக்குச்சிகள் நமத்துப் போகாது.
காலையிலும் மாலையிலும் கோதூளி லக்னம் எனப்படும் 5 முதல் 6மணி வரையிலான நேரத்தில் பூஜை அறையில் விளக்கேற்றுவது மிக நல்லது. அப்போது வீட்டின் வாசலுக்கு வெளியேயும் விளக்கேற்றி வைத்தால் தேவதைகளின் ஆசி கிட்டும்.
விளக்கெண்ணெயும் நெய்யும் கலந்து தீபம் ஏற்றி குலதெய்வத்தை வழிபடுவதால், வீட்டில் சர்வ சுபி ட்சங்களும் பெருகும்.

ஆன்மீகத்தில் வரும் தடைகளும் தாண்டும் முறைகளும்

ஆன்மீகத்தில் வரும் தடைகளும் தாண்டும் முறைகளும்...

ஜெபம் நிறைய செய்ய வேண்டுமென்று ஆசை. ஆனால் முடிவதில்லை.
இதற்குக் காரணம் என் கர்மவினைகளா?அல்லது, என் சிரத்தை போதவில்லையா?
நீங்கள் ஆன்மீகப் பயிற்சிகளில் ஈடுபடும்போது குறிப்பிட்ட நிலையில் நிறையதடைகள் ஏற்படும். ஏனென்றால் அந்தப் பாதையில் பயணம் செய்ய உங்களுக்குத்தகுதி இருக்கிறதா என்று அந்த நெறிக்குரிய தேவதை உங்களை சோதிக்கும்.அதை சோதனை என்று பலரும் உணர மாட்டார்கள். உங்களுக்கொரு சோதனைவைக்கப்படும் போதுதான் அதில் நீங்கள் இன்னும் தீவிரமாக ஈடுபட வேண்டும்.
உதாரணமாக, மாலை ஆறு மணிக்கு நீங்கள் ஜெபத்திற்கு அமருகிறீர்கள் என்றுவைத்துக் கொள்ளுங்கள். அந்த நேரத்திற்கு உங்களை அமரவிடாமல் சிலவேலைகள் வரும். அல்லது உங்கள் கவனம் சிதறும்படி சில விஷயங்கள்
நடக்கும்.அந்த நேரத்தில் நீங்கள் உறுதியுடன் உங்கள் பயிற்சியை செய்கிறீர்கள்என்றால் அந்தப் பாதைக்கு நீங்கள் தகுதியானவர் என்று பொருள்.
உங்கள் பயிற்சியின் வீரியம் கூடக்கூட,இத்தகைய சோதனைகள் குறையத்
தொடங்கும்.நமக்கு இது வராது போலிருக்கிறதே என்று சிலர் தயங்குவார்கள்.
இது சோம்பல்தானே தவிர வேறொன்றுமில்லை.
அதேநேரம் கர்மவினைதான் காரணமா என்ற கேள்வியே உங்களுக்குத்
தேவையில்லை.எல்லாவற்றுக்கும் கர்மவினை மீது பழியைப்
போட்டுவிட்டுத் தப்பித்துக் கொள்வது எளிது.உங்களுக்குள் இருக்கும் சோம்பலுக்குக் காரணம்
கர்மவினை என்ற எண்ணம் எழுந்தால் கூடவே இன்னொன்றையும் நீங்கள்
நினைவு வைத்துக் கொள்ள வேண்டும். உங்கள் ஆன்மீகத் தேடல் கூட உங்கள்கர்மவினையின் பயன்தான். எனவே இதை மனதில் வைத்துக் கொண்டுஅடுத்த படிநிலை நோக்கி நகர வேண்டும்.திட்டமிட வேண்டும். உறுதியுடன்இடைவிடாமல் பயிற்சி மேற்கொள்ள வேண்டும்.
ஆன்மீகத்தில் சிலர் சோம்பேறித்தனத்திற்கு இடம் கொடுத்து விடுவார்கள்.
"குரு இருக்கிறார்! அவர் பார்த்துக் கொள்வார்' என்ற எண்ணம் முழுமையான
சரணாகதியில் வந்தால் அதன் தன்மையே வேறு. மாறாக, குரு பார்த்துக்
கொள்வார் என்று சோம்பலின் அடிப்படையில் விட்டுவிட்டால் நீங்கள்
செய்ய வேண்டிய பயிற்சியை உங்கள் குரு செய்வார் என்று நீங்கள்
எதிர்பார்ப்பதாகப் பொருள்.குருவுக்கோ உங்கள் இஷ்டதெய்வத்துக்கோ
உங்களை முழுமையாக அர்ப்பணித்து அவர்கள் கைகளில் ஒரு கருவியாக
ஒரு பாத்திரமாக நீங்கள் மாறினால் அதன் பெயர்தான் சரணாகதி.
நான் என்னை என் குருவிடம் ஒப்படைத்துவிட்டேன். இனி என் வேலையை
நான் பார்ப்பேன்,அவர் வேலை என்னைப் பார்த்துக் கொள்வது என்பது
சரணாகதியல்ல. அது சோம்பேறித்தனம்.
இப்போது நாம் பார்த்தவை புறத்தில் நமக்குத் தெரிகிற தடைகள்.ஆன்மீகப்
பயிற்சிக்கு இடையூறு வருவது, தள்ளிப்போட நேர்வது என்பவை எல்லாம் புறத்தடைகள்.இது போக சாதகரின் உள்நிலையிலேயே சில தடைகள் இருக்கும்.தங்கள் எண்ணங்களின் போக்கை கூர்ந்து கவனித்து சீர்செய்து கொள்ளவேண்டும்.இல்லையென்றால் அந்தத் தடையிலேயே அந்த சாதகர் பல வருடங்கள் கூட இருப்பார்.
தன் உணர்வுகளை உற்றுப் பார்த்து,இதிலிருந்து விடுபட வேண்டுமென்னும்
தவிப்பு ஒரு சாதகருக்கு வந்து,அந்த முயற்சிகளை அவர் மேற்கொண்டால்
அந்த இடத்தில் குருவால் உதவ முடியும்.கைகொடுத்துத் தூக்கிவிட முடியும்.
ஆனால் தடை ஏற்பட்டது கூடத் தெரியாமல் தேங்கிப் போய் விட்டால் அதிலிருந்து மீள நெடுங்காலமாகும். இது எப்படிப்பட்ட நிலையென்றால்,
உங்களுக்கு உருவாகியிருப்பது ஒரு தடை என்றே தெரியாது.அந்தத் தடையை
மிகவும் சௌகரியமாக உணர்வீர்கள். அப்படி உணரும்போது அதைத் தாண்டி
வரத் தோன்றாது.
உதாரணமாக காபி குடிக்கிற பழக்கத்திற்கு நீங்கள் அடிமையாகி காபி குடிக்க
மிகவும் பிடித்திருந்தால் அது ஒரு தடை என்றே உணர மாட்டீர்கள்.மிகவும்
சௌகரியமாக உணர்வீர்கள்.அங்கேயே தடைப்பட்டு நின்று விடுவீர்கள்.
தானாக ஒரு பொறி வந்து,ஓர் உந்துதல் வந்து ஒரு முயற்சி வந்து மீண்டால்
உண்டு.இது ஏறக்குறைய கோமாவில் கிடந்து மீள்வதைப் போலத்தான். இத்தனைநாள்என்ன செய்து கொண்டிருந்தோம் என்றே தோன்றாது.
எனவே கர்மவினை மீதுபழிபோடாதீர்கள். இப்போது நீங்கள் செய்யும் செயல்தான் பத்து வருடங்கள்கழித்து,இருபது வருடங்கள் கழித்து நீங்கள் என்னவாக ஆவீர்கள் என்பதைநிர்ணயிக்கும்.எனவே இடைவிடாமல் பயிற்சிகளை செய்வதன் மூலமும் தன்க்குள் நிகழ்வதை உற்று கவனித்து சீர்செய்து கொள்வதன் மூலமும் ஆன்மீகப் பாதையில்தடைகளைத் தாண்டி முன்னேறுங்கள்.

அர்ச்சனையின் சிறப்பு

அர்ச்சனையின் சிறப்பு

அர்ச்சனையின் சிறப்பு சுத்தமானவராக ஒருமித்த மனத்துடன் தனது வலது கையால் ஒவ்வொரு புஷ்பங்களாக எடுத்து தெய்வ விக்கிரகத்தில் பாதங்களில் சேர்ப்பதே அர்ச்சனை ஆகும் அதே சமயம் "மத்யமா அநாமிகா மத்யே புஷ்பம் ஸங்க்ருஹ்ய பூஜ்யதே" என்பதாக அர்ச்சனை செய்யும் போது கட்டைவிரல் மற்றும் சுண்டு விரல் படாமல் வலது கையின் நடுவிரலுக்கும் அநாமிகா என்னும் மோதிர விரலுக்கும் நடுவில் புஷ்பங்களை எடுத்து அர்ச்சனை செய்யவேண்டும் அத்துடன் நிர்மால்ய புஷ்பங்களை அகற்றும்போது "அங்குஷ்ட தர்ஜனீப்ஜாம் து நிர்மால்ய மபநோதயேத்" என்பதாக கட்டைவிரல் மற்றும் ஆள்காட்டி விரலால் மட்டுமே அகற்ற வேண்டும் இதை நாமும் சற்றே முயற்ச்சி செய்யலாமே

பணம் சேர ,தொழில் சிறக்கப் பின்பற்ற வேண்டிய ஆன்மீக விதிகள்!!!

பணம் சேர ,தொழில் சிறக்கப் பின்பற்ற வேண்டிய ஆன்மீக விதிகள்!!!


பணம் சேர ,தொழில் சிறக்கப் பின்பற்ற வேண்டிய ஆன்மீக விதிகள்!!!
1. யாரிடம் இருந்து பணம் வாங்கினாலும் வலது கையால் கொடுக்க சொல்லி வலது கையால் வாங்கிக்கொள்ள வேண்டும்.நீங்கள் பிறருக்குக் கொடுத்தாலும் அப்படியே செய்யவும்.

2. பணம் எண்ணும்போதும் ,புத்தகம் அல்லது தொழில் சம்பந்தமான பைல், புத்தகம், நோட்டுகளைப் புரட்டும் போதும் எச்சில் தொட்டு என்னவோ புரட்டவோ கூடாது. குறிப்பாக ஆன்மீக நூல்களை படிக்கும் பொழுது இதைச் செய்யவே கூடாது.இது தரித்திரத்தை உண்டாக்கும்.

3.தொழில் சார்ந்த கணக்குப் புத்தகங்களில் (EX.CASH BOOK,EXPENSES BOOK) எழுதத் துவங்கும் முன் நோட்டு / புத்தகத்தின் முதல் பக்கத்தின் மேல் அஷ்டகந்தம் கொண்டு ஸ்ரீ அல்லது சுபலாபம் என்று எழுதுங்கள் .

4. வெளியில் கிளம்பும் போது பர்ஸ் அல்லது சட்டைப்பையில் பணம் இல்லாமல் செல்லக்கூடாது.ஏன் என்றால் பணம் தான் பணத்தை ஈர்க்கும்.

5.கடை அல்லது அலுவலகத்தின் பணப்பெட்டி வைத்திருக்கும் அறைச் சுவர் மஞ்சள் அல்லது மஞ்சள் ஷேடு நிறத்தில் இருப்பது பணவரவை அதிகப் படுத்தும்.கருப்பு,சிகப்பு,நீல நிறங்கள் பணவரவைக் குறைக்கும்.

6.பணப்பெட்டியில் பணம் வைக்கும் பொழுதும்,வங்கியில் பணம் செலுத்தும் பொழுதும் ஸ்ரீ மகாலட்சுமியை மனதார வணங்குவது பணவரவை அதிகரிக்கும்.

7.பணப்பெட்டி அழுக்கு அடையாமல் சுத்தமாகப் பராமரிக்கப்படவேண்டும்.

8.கடை அல்லது அலுவலகத்திற்கு "ஓம் ஸ்ரீம் ஹ்ரீம் க்லீம் ஸ்ரீம் லக்ஷ்மி ஆகச்ச ஆகச்ச மம மந்திரே திஷ்ட்ட திஷ்ட்ட ஸ்வாஹா ||" என்ற மந்திரம் ஜெபித்தபடியே தினம் ஊதுவத்தி அல்லது சாம்பிராணி தூபம் காண்பிக்க வேண்டும்.இல்லை என்றால் பணப்பெட்டிக்காவது தினமும் ஊதுவத்தி அல்லது சாம்பிராணி தூபம் காண்பிக்க வேண்டும்.

9.வெள்ளிக்கிழமை அன்று மாலை 5:30 முதல் 7:00 மணிக்குள் ஒரு செம்பில் கொஞ்சம் தண்ணீர் வைத்து சிறிது மஞ்சள் பொடி போட்டு மேற்கு நோக்கி அமர்ந்து "ஓம் ஸ்ரீம் ஹ்ரீம் க்லீம் ஸ்ரீம் லக்ஷ்மி ஆகச்ச ஆகச்ச மம மந்திரே திஷ்ட்ட திஷ்ட்ட ஸ்வாஹா ||" என்ற மந்திரம் ஜெபித்து அந்த நீரை கல்லா,பணப்பெட்டி,கடை அல்லது அலுவலக முகப்பு இவற்றில் தெளிக்கவும். வீட்டில் பணம் வைக்கும் பெட்டி,வீட்டின் முகப்பு இவற்றில் தெளிக்கவும்.
வாழ்க வையகம்|| வாழ்கவளமுடன் ||

வாலி சுக்ரீவன் கதை

வாலி சுக்ரீவன் கதை

்இராமாயணத்தில் ஒரு காட்சி.வாலியும் சுக்ரீவனும் அண்ணன் தம்பிகள்.வாலி கொடியவன். சுக்ரீவன் நல்லவன்.வாலி சுக்ரீவனுடைய நாட்டையும்மட்டுமல்ல அவனதுமனைவியையும் அபகரித்துக்கொண்டான்.சுக்ரீவனால் அவனதுஅண்ணனை எதிர்த்து ஒன்றும்செய்யமுடியாமல் திகைத்துக்கொண்டிருந்தான்.ஸ்ரீ ராமன் காட்டில்வந்துகொண்டிருந்தபோது சுக்ரீவன் ஸ்ரீராமனைச் சந்தித்தான். ஸ்ரீ ராமா அபயம்என்று நமஸ்கரித்தான். ஸ்ரீ ராமனிடம் தன்வரலாற்றைச் சொல்லி தான் இழந்ததுஅனைத்தையும் வாலியிடமிருந்துமீட்டுத்தரும்படி வேண்டினான். ஸ்ரீ ராமனும்அப்படியே ஆகட்டும் என்று வாக்களித்தான்.வாலி மிகுந்த பலசாலி. ஒரே பாணத்தில்ஏழு மரங்களை யாரால்துளைக்கமுடியுமோஅவர்களால் மட்டுமேவாலியிடம் சண்டை போடமுடியும். நீங்கள்அப்படிச் செய்து காட்டுவீர்களா என்றுசுக்ரீவன் ஸ்ரீ ராமனைக் கேட்டான். ஸ்ரீராமனும் ஒரே பாணத்தைவிட்டு ஏழுமரங்களைத் துளைத்துக்காட்டினார்.சுக்ரீவன் மிகவும் மகிழ்ந்தான்.நீ இப்பொழுது வாலியிடம் சண்டை போடு.தக்க சமயத்தில் நான் உனக்குத் துணையாகவருவேன் என்று ஸ்ரீ ராமன் சொன்னான்.இந்த வார்த்தையை நம்பி சுக்ரீவனும்வாலியைச் சண்டைக்கு அழைத்தான்.வாலியும் சண்டைக்கு வந்தான். இருவரும்சண்டை இட்டார்கள். வாலி சுக்ரீவனைநையப் புடைத்து

அனுப்பினான்.பலமாகஅடிபட்டு வந்த சுர்க்ரீவன் ஸ்ரீராமா உன்னைநம்பி அல்லவா நான் அவனிடம் சண்டைக்குச்சென்றேன். இப்படிக் கைவிட்டு விட்டாயே.இது நியாயமா என்று அழுதான். சுக்ரீவநீயும் வாலியும் ஒரே மாதிரி இருந்ததால்யார் சுக்ரீவன் யார் வாலி என்று என்னால்அடையாளம் காண முடியவில்லை. நான்அவன் என்று உன்னைத் தாக்கிவிட்டால் என்னசெய்வது என்றுதான் பேசாமல் இருந்துவிட்டேன். இப்பொழுது நான் ஒரு மாலைதருகிறேன் ,இதைக் கழுத்தில்அணிந்துகொண்டு நீ அவனிடம்சண்டைக்குப் போ. நான் நிச்சயம் உன்னைகாப்பாற்றுவேன் என்று ஸ்ரீராமன் சொல்லிசுக்ரீவனை மீண்டும் வாலியிடம்சண்டைக்கு அனுப்பினான். வாலியிடம்சண்டை போடுவதாய் இருந்தால் அவன்எதிரில் நின்று சண்டைபோடக்கூடாது.அவன் எதிரில் யார்வருகிறார்களோ அவர்கள் பலத்தில்பாதியை வாலி எடுத்துக் கொள்வான்என்று சுக்ரீவன் சொல்லிவிட்டுச்சண்டைக்குப் போனான்.சுக்ரீவன்சொன்னது போல ஸ்ரீ ராமனும் வாலியின்பின்னால் மறைந்து நின்று வாலியின்மீது அம்பு தொடுத்தான். வாலி ஸ்ரீராமனைப் பார்த்து ஸ்ரீ ராமா உனக்கும்எனக்கும் எந்தப் பகையும் இல்லை. நீஎன்னைக் கொல்வது தர்மத்திற்குப்புறம்பானது. எதிரில் நின்று சண்டைபோடுவதே வீரனுக்கு அழகு. நீயோகோழைபோல் மறைந்து நின்று என்மீதுஅம்பு தொடுத்து என்னை சாகஅடிக்கிறாய். வானத்து சந்திரனில் களங்கம்இருப்பதுபோல் காலம் உள்ளளவும் நீ செய்தஇந்தக் களங்கமான செயல் உன் பெயரோடுசேர்த்து இனி உன்னை எல்லோரும்ராமச்சந்திரன் என்று அழைக் கட்டும் .நீராமனல்ல ராமச்சந்திரன் என்று சபித்தான்.ராமாயணத்தில் இந்தச் சம்பவம் என்எழுதப்பட்டது? இதன்மூலம் நமக்கு என்னஅறிவுரை வழங்குகிறார்கள்?வாலியும் சுக்ரீவனும்குரங்குகள்.குரங்கு என்பது நமதுமனம்தான்.வாலி கெட்ட மனம். சுக்ரீவன் நல்லமனம். நல்ல மனதைவிட கெட்ட மனமேஆதிக்கம் செய்யும்.இதை உணர்த்தவே வாலி சுக்ரீவனுடையநாடு முதல் அனைத்தையும்பறித்துக்கொண்டதாகச் சொல்லப்பட்டது. ஸ்ரீராமன் என்பது அறிவு. நல்ல மனம் அறிவின்துணையை நாடியது. ஏழு மரங்களை ஒரேபாணத்தால் யாரால் துளைக்க முடியுமோஅவர்கள்தான் வாலியை வெல்ல முடியும்என்றது என்ன வென்றால் , காமம், குரோதம்,லோபம் மோகம் , மதம், மாச்சர்யம்,கொலைஎன்ற ஏழையும் வைராக்கியம் என்ற ஒரேபாணத்தால் யாரால் வெல்ல முடியுமோஅவர்களால்தான் கெட்ட மனதைவெல்லமுடியும் என்பதே. நமக்குள் நல்லமனம் எது ,கெட்ட மனம் எது என்று நம்முடையஅறிவிற்குப் புரியாமல் இருப்பதே ஸ்ரீராமனுக்கு முதலில் வாலி யார் சுக்ரீவன்யார் என்று புரியாமல்போனது.வாலியின் எதிரில் நின்றுசண்டை போடக்கூடாது என்றது ஏன்? கெட்டமனதை நேர் நின்று அடக்க முடியாது,உதாரணத்திற்கு ஒன்று. சிகரெட் பிடிக்கும்பழக்கம் உள்ள ஒருவன் அதை விடவேண்டும்என்றால் சிகரெட்டை தொடக்கூடாதுஎன்று அதையே நினைத்துக்கொண்டிருந்தால் இன்றுமட்டும் ஒன்றேஒன்று பிடிக்கலாம்.நாளையிலிருந்துகட்டாயம் விட்டுவிடலாம் என்றுநினைப்பானாம். அதை விடவேண்டும்என்றால் அந்த நேரத்தில் கோவிலுக்குள்போய்விட்டால் அங்கே சிகரெட்பிடிக்கமுடியாது.அந்தத் தீய பழக்கத்தைமறைமுகமாகத்தான்வெல்லமுடியும்.கெட்ட மனதை எப்படியாவது வென்றேதீரவேண்டும் என்பதே வாலி சுக்ரீவன் கதை.

ஸ்ரீ வாராஹீ நவராத்ரி

ஸ்ரீ வாராஹீ நவராத்ரி
*

அன்புடன் உலக மக்கள் அனைவரும் ஆனந்தமாய் வாழ வேண்டும்


மானாமதுரை ஸ்ரீ மஹா பஞ்சமுக ப்ரத்யங்கிரா தேவி கோவிலில்

ஸ்ரீ வாராஹீ நவராத்ரி நாளை 17.07.2015 முதல் தொடங்குகிறது


தினமும் காலை 7-11 மணிவரை கணபதி ஹோமம் ,மஹான்யாச ஸஹித ஏகாதச ருத்ராபிஷேகம்


தினமும் மாலை 4.00முதல்6.30மணிவரை


பாராயணம் மற்றும் ,தீபாராதனை நடைபெறும்


17.07.2015 வெள்ளிகிழமை பஞ்சமி பூஜை


18.07.2015 சனி கிழமை தண்டநாத பூஜை


19.07.2015ஞாயிறுகிழமை ஸங்கேதா பூஜை


20.07.2015 திங்கள் கிழமை ஸமயேஸ்வரி பூஜை


21.07.2015 செவ்வாய்கிழமை ஸமயேஸங்கேதா பூஜை


22.07.2015 புதன்கிழமை வாராஹீ பூஜை


23.07.2015 வியாழன்கிழமை போத்ரிணி பூஜை


24.07.2015 வெள்ளிகிழமை சிவா பூஜை


25.07.2015 சனிகிழமை வார்தா மஹாஸோநா பூஜை


மேலும் தகவல்கள்களுக்கு :

ஸ்ரீ மஹா பஞ்சமுக ப்ரத்யங்கிரா வேத தர்ம சேக்ஷத்ரா டிரஸ்ட்

பஞ்சபூதேஸ்வரம் ,

வேதியரேந்தல் விளக்கு,

மானாமதுரை-630606

சிவகங்கை மாவட்டம்

cell :98428 58236

சென்னிமலை ஸ்ரீ சிரகிரி வேலவன் திருக்கோவிலில் ஸ்ரீ பிண்ணாக்கு சித்தர்க்கு அன்னதானம்

 

அன்புடன் உலக மக்கள் அனைவரும் ஆனந்தமாய் வாழ வேண்டி

ஈரோடு மாவட்டம் சென்னிமலை ஸ்ரீ சிரகிரி வேலவன் திருக்கோவிலில் அமைந்துள்ள

ஸ்ரீ பாலசுப்ரமணிய சுவாமிக்கு,

ஸ்ரீ அமிர்தவல்லி,ஸ்ரீ சுந்தரவல்லி தாயார் , 

ஸ்ரீ பிண்ணாக்கு சித்தர்க்கு மற்றும் அடிவாரத்தில் ஸ்ரீ ஆதி விநாயகர் , ஸ்ரீ செங்கதுரை அய்யன்க்கு 21.07.2015 செவ்வாய் கிழமை ஆடி மாத உத்திரம் நட்சத்திரம் தினத்தன்று காலை 8.00 மணி அளவில் அபிஷகம், ஆராதனை அன்னதானம் நடைபெறுவதால் அனைவரும் கலந்து கொண்டு ஸ்ரீ சிரகிரி வேலவன் திருவருளும் ,

ஸ்ரீ பிண்ணாக்கு சித்தர் திருவருள் ஆசிர்வாதம் பெற்று செல்லுமாறு மானாமதுரை ஸ்ரீ மஹா பஞ்சமுக பிரத்யங்கிரா வேத தர்ம சேக்ஷத்ரா டிரஸ்ட் சார்பாக சுவாமிஜி - மாதாஜி அன்புடன் அழைகின்றார்கள்.


ஸ்ரீ மஹா பஞ்சமுக ப்ரத்யங்கிரா வேத தர்ம சேக்ஷத்ரா டிரஸ்ட் பஞ்சபூதேஸ்வரம் ,
வேதியரேந்தல் விளக்கு,
மானாமதுரை-630606
சிவகங்கை மாவட்டம்
திரு .அண்ணாமலை cell :94425 59844
98428-58236